స్క్రీన్ ప్లే అంటే ఇదీ.. Runaway Jury (2003)
Author: Unknown
•Tuesday, April 06, 2010


2003 లో విడుదలైన ఈ మూవీ ని ఇప్పటికి మూడు సార్లు చూసుంటాను.
చూస్తున్న ప్రతి సారీ అదే ఇంటెన్స్ ఫీలింగ్ ! అంతే end of the edge feeling !

కధ American law చుట్టూ తిరుగుతుంది. అమెరికా లోని చట్టాలలో, కోర్టులలో, కేసుల్లో, వాటి న్యాయ నిర్ణయాల్లో జ్యూరీ కి ఉండే ప్రాముఖ్యత చెప్తుంది.

ఇక్కడ జ్యూరీ గురించి నాకు తెలిసినంత వరకు కొంత వివరణ ఇస్తాను.

కోర్టుకి వచ్చిన కేసులకి, వాది ప్రతివాది న్యాయవాదులతో పాటు ప్రభుతం జ్యూరీ మెంబెర్స్ ని రాండం గా ఎన్నుకుంటారు సామాన్య ప్రజల్లో నుంచి. వీళ్ళు ఆ కేసుకి కానీ, ఆ కేసుల్లో ఉన్న మనుషలకి కానీ ఎలాంటి సంబంధాలు ఉండకూడదు. ఆమెరికన్ సిటిజెన్స్ ని మాత్రమే సెన్నుకుంటారు. దీన్నే Jury Duty అంటారు. Civil cases కి 6, అదే criminal cases కి అయితె 12 మంది ని ఎన్నుకుంటారు.

ఇదీ క్లుప్తంగా jury members గురించి వివవరణ. Trials are too important to be decided by juries.

అలా ఒక కేస్ కి ఎన్నుకోబడ్డ jury members లొ ఒకడు మన హీరో(John Cusak). ఇక కేస్ విషయానికొస్తే, ఒక Stock broker company లో ex-employee ఒకతను, ఆ company మీద కోపం తోనో, మరే కారణం చేతో, ఒకానొక ఉదయం గన్ తీసుకొచ్చి ఎడా పెడా కాల్చేస్తే చాలా మంది చనిపోతారు. అలా చనిపోయిన వాళ్ళలోని ఒకతని భార్య, నా భర్త మరణానికి కారణం ఇలా గన్స్ పబ్లిక్ మార్కెట్ లో ఎవరికి పడితే వల్లకి అమ్మటమే అని ఆ gun company మీద కేస్ వెస్తుంది. ఆ కేస్ trial కి వచ్చి, ఆ గన్ కంపెనీ తరపున Gene Hackman వెనుక ఉండి సూత్రధారిగా ఆ కేస్ ని గెలిపించాలని, అలాగే కేస్ వేసిన ఆమె తరపున Dustin Hoffman ఎలా అయినా ఆమెకి న్యాయం చెయ్యాలని వాదిస్తు ఉంటారు.

ఈ కేస్ లో కీలకమైన నిర్ణయం jury members చెతుల్లో ఉంటుంది. John Cusak ఆ jury members ని తనకు అనుకులం గా తిప్పుకుని, తను ఎలా చెప్తే వాళ్ళ్ అలా వినేలా చేసుకుంటాడు. ఇప్పుడు తను Gene Hackman కి, Dustin Hoffman కి బేరం పెడతాదు. మీరు నాకు 10 million dollars ఇస్తే నేను మీకు అనుకూలం గా నిర్ణయాన్ని jury members చేత ఇప్పిస్తాను అంటాడు. ఇదంతా బయట నుంచి తన girl friend Marlee phone calls తో చేస్తుంటుంది. వీళ్ళిద్దరూ డబ్బు కోసమే ఇలా చేస్తున్నారా లేక వేరే ఏదైనా బలమైన కారణం ఉందా అనేది చివరి 10 నిముషాల్లో తెలుస్తుంది. వీళ్ళకీ Gene Hackman కి సంబంధం ఏంటి? ఎందుకు తన మీద రివెంజ్(?) తీసుకోవాలని ప్రయత్నిస్తున్నారు? అన్ని ప్రశ్నలకీ, చిక్కుముళ్ళకీ సమాధానాలు చివరలో తెలుస్తాయి.

సినిమాకి బలం పకడ్బంధీగా ఉన్నా screen play. చివరి వరకూ ఆ సస్పెన్స్ ని మైంటైన్ చెయ్యటం కానీ, చివరలో ఆ చిక్కుముడి ని విప్పటం కానీ చాల బాగా చూపించారు. ఇలాంటి కధలు రాయటం లో సిద్దహస్తుడైన John Grisham నవల ఆధారం గా ఈ సినిమా తీసారు. నవల కూడా చాలా బాగుంటుందని విన్నాను కానీ, నేను చదవలేదు.

జాన్ గ్రిషమ్ ప్రస్తావన వచ్చింది కాబట్టి, ఆయన నవలలు సినిమాలుగా తీసిన వాటి పేర్లు ఇక్కడ ఇస్తున్నాను. వీటిలో దాదాపుగా అన్నీ చూసాను ఒకటి తప్ప.

1. A Time to Kill (Sandra Bullock, Samuel L. Jackson, Matthew McConaughey and Kevin Spacey)

2. The Chamber (Chris O'Donnell, Gene Hackman and Faye Dunaway)

3. The Client (Susan Sarandon, Tommy Lee Jones)

4. The Firm (Tom Cruise, Jeanne Tripplehorn and Gene Hackman)

5. The Pelican Brief (Julia Roberts and Denzel Washington)

6. The Rainmaker (Matt Damon, Danny DeVito)

7. Runaway Jury (Gene Hackman, Dustin Hoffman, John Cusack and Rachel Weisz)

ఇక నటీనటుల విషయానికొస్తే, దీంట్లో ముగ్గురు హేమాహేమీలు ఉన్నారు.

Gene Hackman,
Dustin Hoffman
మరియూ 2012 ద్వారా అందరికీ మరింత తెలిసిన John Cusak.
' మమ్మీ ' సినిమాల ద్వారా సుపరిచితురాలైన Rachel Weisz, John కి జోడీగా నటించారు.

నాకు Gene Hackman నటన చాలా ఇష్ఠం, ప్రతినాయకుడు ఎంత బలం గా ఉంటే నాయకుడికి అంత ప్రాముఖ్యత వస్తుంది. Gene Hackman కి Dustin Hoffman కి మధ్యన సీన్స్ కానీ, Gene Hackman కి John కి మధ్యన సీన్స్ కానీ అద్భుతం.

ఈ సినిమా గురించి మరింత వ్రాయాలని ఉంది కానీ, ఇప్పటికే ఎక్కువైపోయిందని ఇక్కడితో ఆపేస్తున్నాను. Law & Order drama లను ఇష్ఠపడేవాళ్ళకి మాత్రమే కాకుండా అన్నివర్గాల వారికీ ఈ సినిమా నచ్చేస్తుంది ఆ సినిమాలో ఉండే నటీ నటుల నటన వల్ల, tight screen play వల్ల. మీలో ఇప్పటికే ఈ సినిమా ని చూసేసి ఉండొచ్చు. చూడని వాళ్ళు తప్పకుండా చూడండి, చూసిన వాళ్ళు మళ్ళీ చూడండి !
| comments (3)
ఈ వారం నేను చూసిన సినిమాలు - The Blind Side, Ore Kadal, Page 3
Author: Unknown
•Friday, March 26, 2010
ప్రతి వారం, మరియు వారాంతం ఎవో సినిమాలు చూసేస్తూ ఉన్నా, ప్రత్యేకం గా ఇలా పోస్ట్ ఇప్పుడు వ్రాయటానికి కారణం ఏంటంటే..

ఈ వారం నేను మూడు వైవిధ్యమైన, ఆలోచింపజేసే సినిమాలు చూడటమే !

అవి..

The Blind Side
ఒరే కడల్
Page 3

మూడు కూడా నాన్-తెలుగు సినిమాలు. ఒకటి ఆంగ్లం, ఒకటి మళయాళం మరొకటి హిందీ.
ఈ మూడిటి గురించి ఇప్పటికే ఎన్నో రివ్యూలు, విశ్లేషణాత్మక వ్యాసాలు వచ్చినా, వీటి గురించి నాకూ కొంత చెప్పాలనిపిస్తుంది.

ముందుగా..

The Blind Side

*ing: Sandra Bullock, Tim McGraw, Quinton Auron

This movie is based on a True Story ( story of Michel Oher, an NFL star, Baltimore Ravens Team )

ఈ సినిమాలో నటనకు కాను, సాండ్రా కు ఉత్తమ నటి అవార్డ్ ( ఆస్కార్) సొంతం చేసుకుంది. సాధారణం గా అవార్డ్ సినిమాలన్నీ అంతగా బాగోవు, కొన్ని బోరింగ్ గా, చాలా స్లో గా, ఎందుకు అవార్డు ఇచ్చార్రా బాబో ఈ సినిమాకి అనిపించేలా ఉన్నాయి. కానీ, ఈ సినిమాలో Sandra gave ultimate performance of her career.

ఈ సినిమా ఎంత బాగా నచ్చినందంటే, కొన్ని కొన్ని సన్నివేశాల్లో ఎంత ఆపుకుందామన్నా ఆగకుండా కళ్ళల్లో నీళ్ళు వచ్చేసాయి. మనుషుల్లో ఉండే జాలి, మానవీయత, దయాగుణం, కరుణ శాండ్రా పాత్ర ద్వారా మనం చూడొచ్చు. మనుషుల్లో మంచితనం మనసుల్ని ఎలా కదిలిస్తుందనేదీ ఈ సినిమా ద్వారా అనుభూతి చెందుతాం.

కధ : ఒక అనాధ అయిన ఆఫ్రికన్ అమెరికన్ ని ఒక శ్వేత జాతీయురాలు, ఆమె కుటుంబం దగ్గరకు తీసుకుని, తమ కుటుంబంలో ఒకడిలా చేర్చుకుని, అతని జీవితాన్ని ఎలా ప్రభావితం చేసిందీ, అతని విజయానికి ఎలా తోడ్పడింది అనేదే ఈ సినిమా కథ !

కధ చిన్నదే అయినా, కధనం చాలా ఆసక్తిగా ఉంది, ప్రతి ఒక్కరూ ఎంతో బాగా నటించారు. Sandra Bullock భర్త గా వేసిన అతను ఒక ఫేమస్ కంట్రీ మ్యూజిక్ సింగర్ Tim McGraw ( Husband of another famous singer Faith Hill). నాకు S.J. గా వేసిన పిల్లాడు ఎంతో క్యూట్ గా అనిపించాడు.

ఇక్కడ నలుపూ తెలుపు అని కాకుండా, ఒక ఉన్నతమైన, డబ్బున్న కుటుంబం, అత్యంత దీన, దుర్భరమైన పరిస్తితుల్లో ఉన్న ఒక అబ్బాయిని అంతగా ఆదరించటం, అప్యాయం గా తమ కుంటుంబం లోకి చేర్చుకోవటమనేది నాకు నచ్చింది.

దీంట్లో మనసుని కదిలించే సన్నివేశాలెన్నో..ఎన్నెన్నో..
మెలో డ్రామా లేదు, కాని కొంత నాటకీయత ఉన్నా, ఈ సినిమాకి ఇది అవసరం అనుకోవాలేమో.


Its an inspiring movie. I strongly recommend this movie to watch ! Don't miss it !!!

ఈ ఫొటో లో కుడివైపు నుంచి రెండో ఆమె పాత్రనే సినిమాలో శాండ్రా పోషించారు.

Collins Tuohy, S.J. Tuohy, Leigh Anne Tuohy, Sean Tuohy




Michel Oher and his family !




ఇక రెండవది

ఒరే కడల్:

ఈ సినిమా గురించి ఇప్పటికే ఒక మంచి వ్యాసం ‘నవతరంగం’ లో వచ్చేసింది. నేను ఈ సినిమా చూడటానికి కారణం ఆ వ్యాసమే ! Thanks to Katti Mahesh Kumar for introducing this movie to us.

ఈ సినిమాని నేను Youtubఎ లో చూసాను. సబ్ టైటిల్స్ తో చాలా బాగుంది వీడియో క్వాలిటీ కూడా..

ఈ సినిమా గురించి నేను ఊహించినట్లే ఉంది, చాలా బాగా నచ్చింది.

ముఖ్యం గా మీరా జాస్మిన్ ఒక అందమైన, అమాయకమైన మధ్యతరగతి గృహిణి పాత్రలో ఒదిగిపోయారు. ఇక మమ్ముట్టి నటన గురించి కొత్తగా చెప్పేదేముంది.

ఇది ఒక సినిమా చూస్తున్నట్లుండదు. జీవితాన్ని చాలా దగ్గరగా చూస్తున్న అనుభూతి. ఇద్దరు వ్యక్తుల మానసిక సంఘర్షణ ని మనం కూడా ఫీల్ అయ్యేలా ఉంటుంది చూస్తున్నంత సేపూ…

కధ గురించి చెప్పాలంటే..

అనుభంధాలకి, ప్రేమకి దూరం గా ఉండే ఒక మేధావికి పరిస్తితుల ప్రభావంతో మానసికం గా, శారీరకం గా దగ్గరైన ఒక గృహిణి కధ ! ఈ ఒక్క లైన్ చూడగానే చాలా మందికి అనిపించేది, ఏంటిది, మోరల్ గా ఆమెకు విలువలు లేవా? ఇలా బరితెగించి వివాహేతర సంబంధం పెట్టుకుంటే ఇలా అనుభవించవలసిందే అని ఆగ్రహిస్తారు. కానీ, ఒక్క సారి ఈ సినిమా చూసాక ఆ అభిప్రాయం మారుతుంది. ఆ పాత్ర మీద జాలేస్తుంది, ఆలోచింపజేస్తుంది, బాధ పెడుతుంది, మనసుని కదిలిస్తుంది.

ఈ సినిమాలో నాకు బాగా నచ్చిన మరో అంశం, సంగీతం, పాటలు. నేపధ్య సంగీతం కానీ, పాటలు కాని సినిమా మూడ్ కి తగ్గట్టుగా గుండెల్ని పిండేస్తుంది, కళ్ళలో చెమ్మని చేరుస్తుంది. ఆధ్బుతం అనే మాట చాలా చిన్నది ఈ సినిమా సంగీతం గురించి చెప్పవలసి వస్తే ! Haunting Music !

Title song !



'యమున వెరుదే '



కొసమెరుపు: ఈ సినిమాలోని చిన్న పాప నాకు తెగ నచ్చేసింది. ఎంత ముద్దుగా ఉందో..

మూడవది, చివరిది:

Page 3

ఇది పాత సినిమానే కానీ, ఇప్పటివరకు చూడలేదు నేను. ఈ సినిమా గురించి విన్నా కానీ, ఎందుకో ఇప్పటివరకు చూసే చాన్స్ రాలేదు.

నాకు కోంకణా సేన్ అంటే చాలా ఇష్ఠం !
"సంతానం ..సంతానం" అంటూ ముద్దుగా పిలిచే MrMrs.Iyer సినిమా నుంచే నాకు బాగా నచ్చేసింది. Simple & Talented Actress !

ఈ సినిమా అంతా తన చుట్టూనే తిరుగుతూ ఉంటుంది. ఇది ఒక రకం గా Depressing and Dark movie అయినప్పటికీ, మధుర్ బండార్కర్ సినిమాలో కనిపించే 'నిజాయితీ కూడిన నిజం' నన్ను అలా కట్టి పడేసింది సినిమా చివరి వరకూ.

మెట్రో సిటీల్లో ఉండే పార్టీ కల్చర్, రిచ్ సొసైటీ, వాళ్ళ మనసుల్లో ఉండే మలినాలు, వికృత చర్యలు, మోసాలు, మోసపోవటాలు, ఆర్ధిక పరమైన సంబంధాలు, అవసరాలు ఇలా ఒక్కటేమిటి, ఎన్నో కోణాల్ని మనం చూస్తాం ఈ సినిమాలో.

మనుషుల్లో ఉండే వికృత చర్యల్ని చూసి అసహ్యించుకుంటాం, భయపడతాం, బాధ పడతాం ! ఎందుకు ఇలా వీళ్ళ మనసులు సున్నితత్వాన్ని కోల్పోయి బండబారి పోయాయని ఆలోచనలో పడతాం ! జీవితం అంటే ఇంతేనా అని నిరాశ పడతాం ! దేనికోసం ఈ ప్రాకులాట అని అంతర్మధం ! ఇలా పరివిధాలుగా మనసుని మెలిపెడుతుంది ఈ సినిమా !

నేను పైన చెప్పిన మొదటి సినిమా The Blind Side మనుషుల్లో మానవీయతా, జాలి, మంచితనపు కోణాలు చూపిస్తే, ఈ సినిమా, అసహ్యం, బాధ, కోపం అనే మరో యాంగిల్ ని చూపిస్తుంది.

అందుకే అన్నాను ఈ వ్యాసం మొదట్లో.. నేను ఈ వారం చూసిన ఈ మూడూ, ఒకదానికొకటి వైరుధ్యమైన కధలు. విభిన్నమైన అంశాలు. కానీ మూడిటిలో ఉన్న ఒక కామన్ పాయింట్: ఆలోచింపజేసే కధ, కధనం ! సహజత్వానికి దగ్గరగా ఉండే పాత్రలు, వాటి చిత్రీకరణ !

అందుకే ఈ మూడూ నాకు బాగా నచ్చాయి. ఈ మూడూ నన్ను మరి కొన్నాళ్ళు వెంటాడుతూనే ఉంటాయి !
| comments (6)
బాణం -- ఒక మంచి ప్రయత్నం
Author: Unknown
•Thursday, October 29, 2009




దర్శకుడు : చైతన్య దంతులూరి

తారాగణం : నారా రోహిత్ ,వేదిక ,రణధీర్ ,సయాజీ షిండే
సంగీతం : మణిశర్మ


ముందుగా మెచ్చుకోవలసింది మాటల రచయితని, దర్శకుడిని, ఛాయాగ్రహకుడిని మరియు సంగీత దర్శకుడిని.

ఈ సినిమా ఒక సాంకేతిక పరమైన విజయం. మూస సినిమాలకు కొంత మేరకు భిన్నంగా వెళ్ళారనే చెప్పాలి. ఈ సినిమా గురించి విభిన్నమైన రివ్యూలు వచ్చాయి. కొంతమంది దర్శకుడి ప్రయత్నాన్ని మెచ్చుకుంటే, మరి కొంతమంది, చెప్పిందంతా చెప్పి చివరికి మామూలు ప్రతీకారం తీర్చుకునే కధగా తేల్చేసారు. ఏవరు ఏమన్నప్పటికీ, నాకు మాత్రం ఈ సినిమా చూడాలని బలంగా అనిపించింది. మొత్తానికి ఇప్పటికి చూడటం వీలైంది. నా అంచనాలకి ఏ మాత్రం తప్పలేదు. నేను అనుకున్న్నట్టే ఉంది , నాకు నచ్చింది.

కధా పరం గా చూసినా, సాంకేతిక పరం గా చూసినా, ఇది ప్రత్యేకం గా నిలుస్తుంది. నారా రోహిత్, విలన్ గా వేసిన హాపీడేస్ అబ్బాయి రణధీర్ ఇద్దరూ బాగా చేసారు. బలమైన ప్రత్యర్ధి ఉన్నప్పుడే, హీరోయిజం బాగా ఎలివేట్ అయ్యేది. ఈ ఫార్ములాని నేను బాగా నమ్ముతాను.
కొన్ని సన్నివేశాల్లో ( చాలా వరకు కూడా ) ప్రత్యర్ధి బలమే ఎక్కువ కనిపిస్తుంది. అలాగని ఆ విలనిజంకి ఫాసినేట్ అయ్యేలా అనిపించదు. హీరొ పాత్రని ఉదాత్తతో మలిచారు. సమాజానికి మంచి చెయ్యాలనే ఆశయం, పదిమందినైనా ఒంటరిగా ఎదొర్కొనగల ధీరత్వం, ముక్కుసూటిగా తను నమ్మినదాన్ని ఆచరించే మనస్తత్వం, తండ్రికి తను ఇచ్చే గౌరవం ఇలా చెప్పుకుంటూ పోతే అన్నీ మంచి లక్షణాలే !

హీరోకి హీరోయిన్ కి మధ్య ఉన్న సున్నితమైన ప్రేమ సన్నివేశాలు కాని, తండ్రీ కొడుకుల మధ్యన సిద్దాంతపరమైన మాటలు కానీ, విలన్ పాత్రలో ఉండే క్రూరత్వం కానీ, అన్నిట్లోనూ అతి ఏ మాత్రం కనిపించదు.

నాకు బాగా ముచ్చటేసింది ఈ సినిమాలోని 'సంభాషణలూ'. చాలా పొదుపుగా వాడుకుంటూ, తక్కువ మాటల్లో ఎక్కువ భావాన్నీ చూపించగలిగారు రచయిత. అలానే నేపధ్య సంగీతం. చాలా చాలా బాగుంది. చాయాగ్రహకుడు వెలుగు నీడల్ని చక్కగా వాడుకున్నాడు. చాలా సన్నివేశాల్లో' శివ ' సినిమా గుర్తొచ్చింది. దాని ప్రేరణో మరేమో కాని, శివ మాత్రం చాల సార్లు గుర్తొచ్చింది.

ఇన్ని మంచి విషయాలున్నా, కొన్ని లోపాలు కూడా లేక పోలేదు.

ప్రతి సారీ హీరోదే పైచేయిగా కనపడుతూ ఉంటుంది, ఒక్కసారి తప్ప. అంతమందినీ ఒక్కడే చితక బాదేస్తుంటాడు. రౌడీలు కూడా పెద్దగా తుపాకులకి కాని, కత్తులకి కానీ పని చెప్పరు. అంత వివేకంతో ఆలోచించే హీరో నాన్నగారు, మాజీ నక్సల్ ఉన్నట్టుండి విలన్ మీదకు ఒక ప్లానింగ్ లేకుండా వెళ్ళ్టడం వింతగా ఉంది.

చాలా మంది అన్నట్టు, ముందు అంతా నీతులు చెప్పి చివర్లో మామూలు పద్దతిలోనే ( అడ్డ దారిలోనే ) విలన్ని ఎదుర్కోవటమేంటీ అని.
హీరో మాటల్లో " నువ్వొక సమస్యవి. కొన్ని సమస్యలకి పరిష్కారం ఉండదు, వాటిని నాశనం చెయ్యటం తప్ప ". అది నిజమే అనిపిస్తుంది.
అలాంటి సమస్యే ఈ శక్తి పట్నాయక్. అప్పటికీ పద్దతి ప్రకారమే, చట్ట పరిధి లోనే ( అంటే పై అధికారి అనుమతి తోనే ) ఇదంతా చేస్తాడు భగత్ ప్రాణిగ్రాహి.

ఈ సినిమాలోని పాత్రల పేర్లు కాని, కధ జరిగిన ప్రదేశం పేరు గాని ఏవో నవలలోని పేర్లు లా అనిపించాయి.

భగత్ ప్రాణిగ్రాహి
శక్తి పట్నాయక్
సాహు
రణస్థలి

మొత్తం గా ఈ సినిమా నాకు బాగా నచ్చింది. దర్శకుడు ఈ సినిమాని మలచిన తీరు బాగుంది. ఇలాంటి ప్రత్యేకం గా ఉండే సినిమాలు మరిన్ని రావాలి.అన్నీ చెప్పి ఇంకొక విషయం గురించి చెప్పకపోతే ఈ రివ్యూ అసంపూర్ణమే. అది ఈ సినిమా లోని పాటలు. చాలా చాలా బాగున్నాయి. వాటి తీసిన తీరు బాగుంది. హీరో హీరొయిన్లు ఆ పాత్రలకు చక్కగా సరిపోయారు. నాకైతే నారా రోహిత్ కనిపించలేదు భగత్ ప్రాణిగ్రాహి తప్ప !
| comments (0)
మగధీర - My postmortem !
Author: Unknown
•Thursday, August 13, 2009
మగధీర -

మగధీర నేను కూడా చూశాను ఈ వారం. అప్పుడెప్పుడో శంకర్ దాదా జిందాబాద్ తరవాత ఇదే తెలుగు సినిమా మా ఊళ్ళో స్క్రీనింగ్ చెయ్యటం. ఈ సారి ఎప్పుడూ వేసే ధియేటర్ లో కాకుండా వేరే చోట వేసారు. ధియేటర్ చూడటానికి బానే ఉన్నా, మాకు వచ్చిన మగధీర ప్రింట్ మరీ నాసిరకం గా ఉంది. ఆడియో & విజువల్ క్వాలిటీ రెండూ బాలేవు. అసలు ఇలాంటి సినిమాకి కావాల్సినవే ఇవి. అవి సరిగా లేక కొతవరకు డిజప్పాయింట్ అయ్యాను.

చత్రపతి లోని షర్క్ విజువల్ ఎఫెక్ట్ కి ఈ సినిమా విజువల్ ఎఫెక్ట్స్ కి అసలు పోలికే లేదు. చాలా చాలా ఇంప్రూవ్ అయ్యారు. అందరూ చెప్పినట్లు సెకండ్ హాఫ్ లోని 40 నిముషాల ఎపిక్ ఎపిసోడ్ అద్బుతం గా చిత్రించారు. ఈ సినిమాకి ప్రాణం ఈ 40 నిముషాలే !

కధ విఠలాచార్య జానపద సినిమాల్లా అనిపించినా, దాని ప్రెజెంటేషన్ ముఖ్యం. ఇదే కధ వేరే డైరెక్టర్ చేతుల్లోకి వెళ్తే ఇలా కచ్చితం గా తీసేవారు కాదు. రాజమౌళి సినిమా కధలన్నీ సింపుల్ గా, సిల్లీగా ఉన్నా, వాటిని ఆసక్తికరం గా మంచి ఎమోషన్స్ తో, ఎంటర్టైన్మెంట్ తో తీర్చిదిద్దగలడు. అలాగే నటీనటులను తనకు అనుగుణం గా మలచుకుంటాడు. నిజం గా జక్కన్నే ఈ రాజమౌళి. కొన్ని సన్నివేశాల్లో ఎమోషన్స్ ని తారాస్థాయికి తీసుకువెళ్తాడు. నేను మొదటిసారి సిమ్హాద్రి చూస్తున్నప్పుడు దానిలోని కేరళ ఎపిసోడ్ లో విలన్ వెంటపడి తరిమి కొట్టే సన్నివేశం చాలా చాలా నచ్చింది. ఆ తరువాత చత్రపతి లోని ఇంటర్వెల్ దగ్గర వచ్చే సీన్ కూడా అలాంటిదే. ఇందులో కూడా అలాంటి సన్నివేశమే ఆ 40 నిముషాల్లో అనిపించాయి. కానీ, ఆ ఎపిక్ ఎపిసోడ్ మీద, హాలీవుడ్ సినిమాలు గ్లాడియేటర్, 300 సినిమాల ప్రభావం చాలా అనిపించింది. అయినప్పటికీ చూడ చక్కగా ఉంది.

ఈ సినిమాకి ఆయివు పట్టు రాం చరణ్ తేజ స్టంట్స్, బాడీ లాంగ్వేజ్, డాన్సులు, హార్స్ రైడింగ్. కానీ కాలభైరవ పాత్రలో పదాల ఉచ్చారణ బాలేదు, ఇలాంటి జానపద పాత్రలకి ఉచ్చారణ చాల ముఖ్యం! హర్ష, కాలభైరవ రెండు పాత్రల్లో ఒదిగిపోయాడు. కాలభైరవ పాత్రలో అయితే మరీనూ, గాలికి ఎగిరే ఆ పొడవాటి జుట్టు, కోర మీసం, గడ్డం, ఆ డ్రెస్సులు భలే కుదిరాయి. కాజల్ కూడా యువరాణిగా అందం గా ఉంది. శ్రీహరి పాత్ర గుడ్లు మిటకరించటం, అరుపులకే పరిమితం అయినట్లుంది. షేర్ ఖాన్ పాత్రతో కూడా కాలభైరవ తలపడి ఉంటే ఇంకా బాగుండేది. విలన్ గా వేసిన అతను పర్లేదు. రాజమౌళి తన సినిమాల్లో విలన్ పాత్రని బలం గా మల్చుతాడు, అప్పుడే హీరో పాత్ర బాగా ఎలివేట్ అవుతుందని నమ్మకం ! అది నిజం కూడా !

సినిమాలో చక్కటి సన్నివేశాలెన్ని ఉన్నాయో, అవసరం లేనివి, సిల్లీగా అనిపించేవి కూడా అలాగే ఉన్నాయి. పాటల ప్లేస్మెంట్ బాగుంది. పాటలు బాగున్నాయి చూడటానికి కూడా. ముఖ్యం గా బంగారు కోడి పెట్ట పాటలో అదరగొట్టేసాడు రాం చరణ్ ! ఒంటి కాలితో కట్ చెప్పకుండా ఎక్కువ సేపు చేసిన డాన్స్ అద్భుతం !

మొత్తం మీద ఈ సినిమా అధ్బుతమైన సినిమా అనిపించనప్పటికీ, ఒక గుడ్ ఎంటర్టైన్మెంట్ సినిమాలా అనిపిస్తుంది. లాజిక్కులకి పోకుండా రెండున్నర గంటలసేపు సరదాగా చూడతగ్గ సినిమా !
| comments (9)
13B - A Suspense Thriller !
Author: Unknown
•Tuesday, March 31, 2009



Cast: Madhavan, Neetu Chandra
Written & Directed by: Vikram K. Kumar
Music: Shankar-Ehsaan-Loy
Photography: P.C.Sriram
Production : BIG Pictures

Genre: Suspense Thriller


ఈ సినిమా ని చూడాలని ఆసక్తిగా ఎదురు చూసాను. టైటిల్ ఒకరకమైన ఆసక్తిని రేకెత్తించితే, ఇదేదో హర్రర్ సస్పెన్స్ ధ్రిల్లర్ అని తెలిసి మరింత ఉత్సుకతగా ఎదురు చూసాను ఎప్పుడెప్పుడు చూద్దామా అని. నాకు ఇలాంటి సస్పెన్స్ ధ్రిల్లర్స్ చాలా ఇష్ఠం ! నా నమ్మకాన్ని ఏ మాత్రం వమ్ము చెయ్యలేదు ఈ సినిమా.

దర్శక రచయిత అయిన విక్రం ఒక సక్సెస్ ఫార్ములాని ఫాలో అయ్యారు. అదేంటంటే..

మొదట కధ లోని పాత్రలని ఎస్టాబ్లిష్ చెయ్యటం..
వాళ్ళకి ఒక సమస్యను సృష్ఠించటం..
కధలోని ప్రధాన పాత్రలు ఆ సమస్య వలన పడే ఘర్షణ, ఆందోళన, భయం ..
అసలు ఆ సమస్య ఎలా వచ్చింది అని తెలుసుకునే ప్రయత్నం ..
చివరకు చిక్కుముడులన్నీ విప్పుకుంటూ సమస్యని అధిగమించటం ..

ఇది ఒక అధ్బుతమైన సక్సెస్ ఫార్ములా ! స్మూత్ ఫ్లో లో సాగిపోయే యే మాత్రం కంఫ్యూజన్ లేని కధనం !

కధ క్లుప్తం గా ..

ఒక ఉమ్మడి కుటుంబం.. అందులో ఒక తల్లి, అన్న వదిన పిల్లలు, తమ్ముడు అతని భార్య, చెల్లెలు.
అన్నాతమ్ముళ్ళిద్దరూ కష్ఠపడి ఇష్ఠపడి ఒక అపార్ట్మెంట్ ని లోన్ సాయం తో కొనుక్కుంటారు. అదే ఈ 13B. 13 వ అంతస్తులో ఉండే B ఫ్లాట్ !

ఈ కుటుంబం ఫ్లాట్ లోకి దిగాక, కొన్ని వింత అనుభవాలు ఎదురౌతాయి.
రోజూ పాలు విరిగిపోవటం, గోడలకు మేకులు దిగకపోవటం, మనోహర్ (మాధవన్ ) కి మాత్రమే ఏ రోజూ లిఫ్ట్ పని చెయ్యకపోవటం, సెల్ ఫోన్ కెమేరాలో ఫొటో సరిగా రాకపోవటం లాంటివి కొన్ని.

అలాగే సరిగ్గా మధ్యాహ్నం ఒంటిగంటకి 13 వ చానెల్ లో ' సబ్ కైరియత్ ' అనే సీరియల్ వస్తుంది. ఆ టైం లో ఇంక యే చానెల్ నీ చేంజ్ చెయ్యలేరు. తప్పని సరిగా అదే సీరియల్ చూడాల్సి వస్తుంది. మొదట విసుక్కున్నా నెమ్మదిగా ఆ ఇంట్లోని వాళ్ళు ఆ సీరియల్ కి ఎడిక్ట్ అయిపోతారు. కానీ వింతగా, ఆ సీరియల్ లోని పాత్రలన్నీ వీరి కుటుంబం లానే ఉండటం, ఆ సీరియల్ లో జరిగే సంఘటనలన్నీ వీరికి నిజం గా జరగటం వింతగా అనిపిస్తుంది మనోహర్ కి. ఇతనొక్కడే గమనిస్తాడు ఇలా పోల్చుకుని నిజ జీవిత సంఘటనలతో..

మొదట అన్నీ మంచివే జరుగుతాయి కాబట్టి అంత సీరియస్ గా తీసుకోడు మొదట ఆశ్చర్య పడినా . కానీ తరువాత చెడు సంఘటలు జరిగే కొద్దీ భయమేస్తుంది, తన వాళ్ళని రక్షించుకోవాలని తపనపడతాడు. ఈ విషయం మాత్రం ఇంట్లో ఎవరికీ చెప్పడు. ఆలా చెప్తే భయపడి ఖాళీ చేసి వెల్దాం అంటారని. అక్కడే ఎందుకు ఉండాలి అనుకుంటాడంటే, ఈ సీరియల్ ఆ ఇంట్లో మాత్రమే వస్తుంది. ఆది ఫాలో అవుతూ, జరగబోయే చెడు ని ఆపుదామనే ప్రయత్నం !

ఇక అక్కడనుంచి కధ పరుగుపెడుతుంది, తన పోలీస్ మిత్రుని సాయం తో ఈ మిస్టరీ ని చేధించే దిశగా మనోహర్ కదులుతాడు. అలా ఒక్కొక్క ముడి విప్పుకుంటూ వెళ్ళేకొద్దీ కొన్ని భయంకరమైన నిజాలు తెలుస్తూ ఉంటాయి.

అసలు తన ఫ్లాట్ లోనే ఎందుకు ఇలాంటివి జరుగుతున్నాయి?
ఆ సీరియల్ లోని మనుషులు నిజ జీవితం లో ఉన్నారా?
అసలు ఎందుకు ఇలా చేస్తున్నారు? ఏమి చెప్పాలని ప్రయత్నిస్తున్నారు?

వీటన్నిటికీ సమాధానాలు సినిమా చివరి 30 నిమిషాలలో తెలుస్తాయి.

రచన, దర్శకత్వం :
కచ్చితం గా ఈ దర్శకరచయిత ' విషయం ' ఉన్న మనిషి. ఆద్యంతం సినిమాని ఆసక్తికరం గా మలిచారు. ఇలాంటి సినిమాలకి ప్రాణం సస్పెన్స్ ని చివరి వరకు మైంటైన్ చెయ్యటం, దానికి తగ్గట్లుగా పట్టుగా కధని నడపటం. అలాగే నటులనుంచి మంచి నటన రాబట్టుకున్నారు. పాటలే అనవసరం అనిపించింది. మసాలా కోసం రెండు పాటల్ని బలవంతం గా ఇరికించినట్లు అనిపించింది.

నటులు, నటన :
ఇది ఒకరకం గా 'one man show' అనే చెప్పాలి. ఫ్లాష్ బాక్ తప్ప ఆల్మోస్ట్ ప్రతి ఫ్రేం లోనూ మాధవన్ కనిపించినట్లు అనిపిస్తుంది. చాలా చక్కగా చేసారు. మిగిలిన పాత్రధారులు కూడా తమ పరిధికి తగ్గట్టు బాగా చేసారు.

నా విశ్లేషణ:

నాకు చాలా రోజులకి ఒక మంచి ధ్రిల్లర్ ని చూసిన ఫీలింగ్ కలిగింది. హర్రర్ జెనర్ లోకి ఈ సినిమా వచ్చినప్పటికీ, ఇది ఎక్కువగా సస్పెన్స్ ధ్రిల్లర్ అనే చెప్పాలి. ఇది ప్యూర్ హర్రర్ సినిమా ఎంత మాత్రమూ కాదు. పెద్ద పెద్ద అరుపులు, సడన్ గా భయపెట్టే శబ్దాలు, సీన్స్ లేవు.
నిజానికి, ఈ సినిమాకి ఫ్లాష్ బాక్ బ్యాక్ బోన్ లాంటిది. దీని గురించి ఎక్కువ చెప్పి, మీకు చూసేటప్పుడు పొందే ధ్రిల్ ని పోగొట్టటం ఇష్ఠం లేదు. ఫ్లాష్ బ్యాక్ ని తీసిన తీరు చాలా బాగుంది. ఫ్లాష్ బ్యాక్ అయిపోయినా కూడా ' అసలు మనిషి ' ని రివీల్ చెయ్యకపోవటం మరింత నచ్చింది.
కధ, కధనం రెండూ చాలా ఆసక్తికరం గా ఉన్నాయి. ఇలాంటి సినిమాలకి ఫొటోగ్రఫీ చాలా ముఖ్యం ! అది చాలా బాగుంది. మొత్తమ్మీదా, నాకు బాగా నచ్చిన ధ్రిల్లర్ ఇది. తప్పకుండా చూడండి.

కొసమెరుపు: ఈ సినిమాని హాలీవుడ్ వాళ్ళు రీమేక్ చెయ్యబోతున్నారు. హాలీవుడ్ నుంచి సినిమాలు మనకు దిగుమతవ్వటమే కానీ, ఇలా ఎప్పుడూ జరగలేదు. ఇది మన భారతీయ సినిమాకి ఒక శుభ పరిణామం !

| comments (0)
Vicky Cristina Barcelona (2008)
Author: Unknown
•Thursday, March 26, 2009


Cast: Rebecca Hall (Vicky), Scarlett Johnson (Cristina), Javier Bardem (Juan Antonio Gonzalo), Penelope Cruz (Maria Elena)

Written & Dircted by : Woody Allen

Story line: Two girlfriends spent their summer in Barcelona, that changed their lives.

ఈ సినిమా గురించి మొదట నాకు తెలిసింది ఆస్కార్ అవార్డ్స్ ఫంక్షన్ అప్పుడు. ఈ సినిమాలోని Maria Elena character కి , Penelope Cruz కి Best supporting actress award వచ్చింది. ఆ తరువాత నా ఫ్రెండ్ ఈ సినిమాని చూసి మంచిగా చెప్పగా నాకూ చూడాలనే ఆసక్తి కలిగింది. తను చెప్పినట్లుగానే ఈ సినిమా ఒక మంచి రొమాంటిక్ కామెడీ.

కథ :

విక్కీ, క్రిస్టీనా ఇద్దరూ బెస్ట్ ఫ్రెండ్స్.
రీసెంట్ గా ఎంగేజ్ అయిన విక్కీ తన రీసెర్చ్ కోసం,
అలానే రీసెంట్ గా బోయ్ ఫ్రెండ్ తో బ్రేక్ అప్ అయిన క్రిస్టినా కొంత చేంజ్ కోసం
.. ఇద్దరూ సమ్మర్ కాంప్ ని స్పైన్ లోని బార్సెలోనా లో గడాపలని అనుకుంటారు. బార్సెలోనా లో ఉంటున్న విక్కీ కి దూరపు బంధువైన జూడీ ఇంట్లో దిగుతారు.

ఇద్దరూ ఆ ప్రదేశపు అందాల్ని, ఎట్రాక్షన్స్ ని చూస్తూ ఉండగా, ఒకరోజూ రెస్టారెంట్ లో ఒక అపరిచితుడు (Juan Antonio) వీళ్ళ దగ్గరికి వచ్చి, వీకెండ్ కి తను వెళ్ళే ప్లేస్ కి వాళ్ళిద్దరని రమ్మని ఇన్వైట్ చేస్తాడు. ఆలా సడన్ గా ఎవరో వచ్చి ఇలా అడగటాన్ని విక్కీ జీర్ణిచుకోలేక, ఇలా సడన్ గా ఎవరో త్లియకుండా వచ్చి రమ్మంటే వస్తారా అని విరుచుకుపడుతుంది. క్రిస్టినా మాత్రం ఇతనెవరో ఇంటెరెస్ట్ గా ఉన్నాడు వెళ్దామా అంటుంది. అలా మొదలైన పరిచయం వాళ్ళ ముగ్గురి జీవితాల్లో ఎలాంటి మార్పును తెచ్చిందీ.. ప్రేమ, రిలేషన్స్ మీద అభిప్రాయాల్ని ఎలా మార్చిందీ అనేది చూడొచ్చు.

కధకుడు పాత్రల్ని మలచిన తీరు చాల బాగుంది. ఒకరకం గా సైకలాజికల్ డ్రామా ఇది. ఓక్కొకరిది ఒక్కో భిన్న మనస్తత్వం.

విక్కీ పాత్రేమో, ప్రేమకీ, రియాలిటీ కి మధ్య నలుగుతూ ఎటూ తేల్చుకోలేని మనసు,
క్రిస్టీనా ఏమో తనకు నచ్చింది, చెయ్యాలనుకున్నది ఏదైనా చెయ్యగలిగే ధైర్యం,
ఆంటోనియోది మనసులో ఏదీ దాచుకోకుండా straight forward గా చెప్పే కారెక్టర్ !

last but not least , Penelope Cruz. ఈమె ఆంటోనియో ex-wife గా నటించారు. కొంచెం సైకాటిక్ గా, ఆంటోనియో అంటే ఒక రకమైన obsession తో తనకి మళ్ళీ దగ్గరవ్వాలని, కానీ వాళ్ళ రిలేషన్ లో ఏదో మిస్ అవుతూ మళ్ళీ తనతో గొడవపడుతూ ఉండే పాత్ర !

నటులు, వారి నటన:

నా వరకు చెప్పాలంటే విక్కీ గా వేసిన అమ్మాయి నచ్చింది. ఈమెని ఇదే మొదటిసారి చూడటం ఈ సినిమాలో. చూడగానే ఆకర్షించే అమ్మాయి కాకపోయినా ఎక్కడో ఏదో ఒక మంచి అభిప్రాయం కలుగుతుంది తనను చూస్తుంటే. చాలా బాగా చేసింది.
క్రిస్టినా గా వేసిన Scarlett ని ఇంతకు ముందు చాలా సినిమాల్లో చూసాను. నాచురల్ గా చేస్తుంది.

ఆంటోనియా గా వేసిన Javier Bardem కి ఆల్రేడీ తన నటనకు ( No country for old men) లాస్ట్ ఇయర్ best supporting actor వచ్చింది. ఆ పాత్రకి, ఆహార్యానికి ఇందులో పాత్రకీ ఎంత తేడా ఉందో. చార్మింగ్ గై గా చాలా బాగా చేసారు.

ఇంతకు ముందు చెప్పినట్లుగా Penelope Cruz చాలా బాగా చేసింది ఫన్నీ సైకాటిక్ ex-wife పాత్రలో..

రచన, దర్శకత్వం:

దీనికి రచయిత, దర్శకుడు గా Woody Allen పని చేసారు. ఈయన multi talented. నటుడిగా, రచయితగా, దర్శకుడిగా చాలా సినిమాలు చేసారు. ఈ సినిమాని చక్కని రొమాంటిక్ డ్రామాగా మలిచారు.

నా విశ్లేషణ:

సరదాగా, అప్పుడప్పుడు సీరియస్ గా ఆలోచింపజేసే సినిమా ఇది. బార్సెలోనా అందాల్ని చక్కగా చూపించారు. బాగా నాచ్చేసింది ఈ ఊరు నాకు, ఎప్పటికైనా ఒక్కసారైనా ఈ ఊరు వెళ్ళి తీరాలి. సినిమాలో అప్పుడప్పుడు వచ్చే బార్సెలోనా స్పానిష్ పాట భలే నచ్చేసింది.

నాకు నచ్చిన అంశాలు:

బార్సెలోనా అందాలు
పాత్రలను మలిచిన తీరు
స్పానిష్ మ్యూజిక్
కాస్టింగ్
స్క్రీన్ ప్లే

ఇలాంటి సినిమాలు కొంచెం స్లోగా ఉంటాయి, ఎందుకంటే డ్రామా కాబట్టి. ఆలా ప్లెజెంట్ గా చూస్తూంటే ఒక మంచి అనుభూతి కలుగుతుంది. రొమాంటిక్ డ్రామాలను, మానవ బంధాలను విశ్లేషించే సినిమాలను ఇష్ఠపడే వారికి ఇది నచ్చుతుంది.
| comments (0)
Twilight ! (2008)
Author: Unknown
•Monday, March 23, 2009



Directed by: Catherine Hardwicke
Cast: Kristen Stewart, Robert Pattinson, Billy Burke
Genre: Drama/Romance/Fantacy

Story line: A lion falls in love with a Lamb !

It's a cute love story ! This movie is based on Stephanie Meyer’s bestselling book series "Twilight".

చాలా రోజుల తరవాత ఒక మంచి రొమాంటిక్ మూవీ ని చూసిన ఫీలింగ్ కలిగింది. చాలా మంది టీనేజర్స్ కి పిచ్చి పిచ్చిగా నచ్చేసిన మూవీ ఇది. No wonder they are so crazy about this movie. హీరో హీరోయిన్లిద్దరూ చక్కగా సరిపోయారు ఆ కారెక్టర్స్ కి. చాలా క్యూట్ గా ఉన్నారు ఇద్దరూ. The chemistry between them is electrifying !


**************************************


కధ ఒక ఫాంటసీ..

A teenage girl risks everything when she falls in love with a vampire. ఈ ఒక్క లైన్ లోనే కధ మొత్తం తెలిసిపోతుంది కదూ.వివరాల్లోకి వెళ్తే...

Bella (Kristen Stewart) , తల్లీ తండ్రీ విడిపోగా, తండ్రితో పాటు ఆరిజోనా స్టేట్ నుంచి వాషింగ్టన్ స్టేట్ లోని ఒక చిన్న ప్లేస్ ( Forks ) కి మూవ్ అవుతుంది. అక్కడ స్కూల్ లో జూనియర్ స్టూడెంట్ గా జాయిన్ అవుతుంది. అక్కడ కొత్తగా పరిచయం అయిన ఫ్రెండ్స్ తో పాటు, ఎవరితో కలవని, అందరిలోకీ ప్రత్యేకం గా కనిపించే Cullen’s family లోని ఒకరైన Edward (Robert Pattinson) తో పరిచయం అవుతుంది.

ఆ అమ్మాయంటే ఇష్ఠం కలుగుతూ, అంతలోనే తనకు దగ్గరైతే తనకి హాని జరుగుతుందేమో అని ఆందోళన పడుతూ ఉంటాదు ఎడ్వర్డ్ ! నెమ్మదిగా ఎడ్వర్డ్ గురించిన అసలు విషయం బెల్లా కు తెలుస్తుంది. ఎడ్వర్డ్ ఒక vampire. అతని ఫామిలీ మెంబర్స్ అందరూ కూడా vampires. కానీ మిగతా vampires లాగా వీళ్ళు మనుషులకు హాని చెయ్యరు, జంతువులని ఆహారం గా చేసుకుని ఉంటారు. ఎడ్వర్డ్, బెల్లా ఇద్దరూ ఒకరి మీద ఒకరు అమితమైన ఇష్ఠాన్ని, ప్రేమని పెంచుకుంటారు. వీరి ప్రేమని ఎడ్వర్డ్ ఫామిలీ అంగీకరిస్తున్న సమయం లో అనుకోని ప్రమాదం మనుషులని తినే వేరే vampire వలన కలుగుతుంది.

ఎడ్వర్డ్ బెల్లాని రక్షించుకోగలిగాడా?
ఎడ్వర్డ్ ఫామిలీ వీళ్ళ ప్రేమని ఆమోదించిందా?
ఎప్పటికీ మరణం లేని ఎడ్వర్డ్, సాధారణ అమ్మాయి బెల్లా మధ్య ప్రేమ నిలిచిందా?

వీటికి సమాధానాలు మీరే తెర మీద చూడండి.


**************************************

Kristen Stewart ని మొదట Panic room లో, JoDie Foster కూతురిగా చూసాను. అప్పుడే ఎంత పెద్దగా అయిపోయిందో. ఈ మధ్య లో తనని Jumper అనే మొవిఎ లో కూడా చుసాను. చాలా క్యూట్ గా ఉన్నారు. టీనేజర్ గా పెర్ఫెక్ట్ గా సరిపోయారు.

Robert Pattinson, ఇతను ఇంతకు ముందు Harry Potter సినిమాల్లో చూసినా అంతగా ఎక్కువ ప్రాధన్యత లేని కారెక్టర్ లో నటించారు. ఇందులో మాత్రం అదర గొట్టేసారు vampire గా. హీరో హీరోయిన్లు ఇద్దరూ ఇద్దరే. క్యూట్ కపుల్ !


**************************************

ఈ సినిమాలో నాకు నచ్చిన సీన్స్ చాలానే ఉన్నాయి. మొత్తమ్మీద నాకు బాగా నచ్చినవి:

* ఫొటోగ్రఫీ ( సినిమాలో ఎక్కువ భాగం Portland (Oregon), Seattle (Washington) పరిసర ప్రాంతాల్లో తీసారు. అంతటా పచ్చగా, కొండలు, లోయలు, జలపాతాలు, ఎంత బాగున్నాయో ! )

* హీరో హీరోయిన్లు ( వీళ్ళు చూడటానికి కానీ, వాళ్ళ మధ్య కెమిస్ట్రీ కాని చాలా బాగున్నాయి, woods లో వీరిద్దరి మధ్య సీన్స్ చాలా బాగున్నాయి. They are so intense !)

* బెల్లా కి తన తండ్రికి ఉన్న ఎటాచ్మెంట్ !

* Vampires మధ్య సీన్స్ ( బేస్ బాల్ గేం, విలన్ vampire తో ఫైట్ )

* Climax ( Prom scene, the dance .. wow ! )

.. ఇలా నాకు నచ్చే చాలా అంశాలు ఉండటం వలన ఈ సినిమా నాకు బాగా నచ్చేసింది. ఈ సినిమా కి sequel ( The Twilight Saga: New Moon ) November, 2009 లో రాబోతుంది. ఈ సినిమా చూసిన ఇంప్రెషన్ రాబోయే దీని సీక్వెల్ కోసం ఎదురు చూసేలా చేసింది.
| comments (1)